睇S姐講最低工資, 首先佢寫:
最近因最低工資問題, 不斷與業界共商應付方法. 今天有幸出席了一個最低工資的研討會, 與一眾知名人士分意了意見. 作為一個專業HR, 我同意訂立最低工資, 但真的不能如民間團體般定立得太高, 你知嘛, 我支持$28 - 30, 已差點比同行人趕出場!
"好老實, 就算我講完比人拉出去打....我都係咁話, 我日日求人返工D 人都唔做呀! D 唔識字C 奶洗碗起薪7千啦, 要搭車 - 唔做; 中三未畢業未做過野 D 細路起薪7千幾, 話辛苦喎, 又唔做.....! 好學識肯做可以賺多D錢, 正路呀! 乜都唔識仲要教教完又唔肯做....仲開口叫$33? 乜野世界呀?
$33 請個唔識做野的人來做野, 你會唔會? 最後結果咪唔請人自已番. 你同唔同意先?
今天有人提出要杜絕跨代貧窮, 說有調查數據指專業人士的後代會有75%會成為專業人士, 而窮家出身的只有25%會成為專業人士, 因此要設占最低工資以保障下一代.....咁請問, 個個都係專業醫生同律師, 咁找邊d人去招呼班專業呢 ?"
究竟d人讀左幾廿年書係讀乜屎片, 為虛榮, 渴望有人服侍自己, 竟立心不良, 故意製造貧民, 而反對有尊嚴的工資! 衣冠禽獸! 出左半斤力, 想話攞番足八兩, 公平吧, 難道唔識字的就沒資格爭取公平!? 勞力汗水都有價值的! 就算多識幾個字又如何? 不過是斯文敗類吧了!
"個個都係專業醫生同律師"這句話絕對是假, 以一個天馬行空的假話作為理由, 這叫胡說八道!!
價格以供求決定, 不一定反映其價值, 水與鑽石就解釋了價格與價值何以差天共地, 以薪金衡量工作的價值, 何其無知！
若果有人請了一個唔識做野的人來做野, 不是薪金問題, 而是人事部揀人的眼光出了嚴重問題!! 更糟的是, 公司寧願用幾萬元請一個思路錯亂的人來做野, 反而區區二三十元就如此吝嗇?
No comments:
Post a Comment