未有一百萬美元的十個理由

[轉載自《投資者日記》曹仁超(信報)]

如果你今天仍然唔係私人銀行0既客戶(即擁有一百萬美元以上流動資產)，理由有：

一、你浪費太多蚊年0係追求物質生活上，而冇專注建立自己0既財富，包括花費太多錢0係時裝、化妝品、旅行及購買奢侈品上。

二、你對開支冇預算，例如經常利用信用卡貨款去消費而支付高昂利息，而非等到自己有足夠蚊年才去消費。

三、你有壞習慣，包括吸煙、蒲吧、賭波、賭馬、耐唔耐去澳門。0係自己未擁有大量金錢前，早已花掉「種子錢」(Seed money)

四、你冇目標，尤其係財富目標。你寧願上網玩遊戲亦唔學財富管理。

五、你冇心理準備。例如六十年代我老曹因為未有資本，所以每天做三份工(除返證券行外，將自己投資心得寫成文章到報館發表賺稿費；從證券行放工後替人家子女補習賺錢)。

六、你太喜歡炒短線。例如用一萬元去賺三千元，用十萬元去賺一萬元，而不讓利潤往前跑，結果賺0既「細」錢，一不小心卻輸「大」錢。

七、你以為別人會為你管錢。你可以諮詢許多人?意見，但決定權仍0係自己手上，別人係唔會你0既錢做決定，因為最後得失係你自己。你損失，別人唔會賠番俾你；你賺左，亦唔會將利潤50%分俾別人。

八、你投資自己唔識0既東西。例如越南股市，我老曹去年雖睇好但冇投資，因為自己不懂。

九、你怕輸，不明白「止蝕唔止賺」道理。只要心理上準備損失15%投入資金，你已可心安理得地去投資。但太多人寧願將錢存入銀行俾通賬蠶食都唔投資，因為怕輸錢，唔明白「小財唔山，大財唔入」0既道理。

十、你根本上冇興趣擁有一百萬美元以上財富。唔少人對賺錢興趣唔大，身上只要有D錢便想辦法花掉，而冇興趣學習錢搵錢。寧願去街、睇戲、食飯、唱K，連每天睇《信報》都視為苦差，又點可賺得一百萬美元以上財產？你唔理財，財點會理你？